مۆزەخانەی سلێمانی

كونسوڵی فەرەنسا دوای سەردان كردنی مۆزەخانەی سلێمانی سەرسوڕمانی خۆی لە پارچە شوێنەوارەكان دەردەخات

كونسوڵی فەرەنسا دوای سەردان كردنی مۆزەخانەی سلێمانی سەرسوڕمانی خۆی لە پارچە شوێنەوارەكان دەردەخات


كونسوڵی فەرەنسا لە هەرێمی كوردستان بەرێز دۆمانیك ماس سەردانی مۆزەخانەی سلێمانی كردو لە لایەن بەرێوەبەری مۆزەخانەوە پێشوازی لیبَكرا و بە پارچە شوێنەوارەكانی ناو مۆزەخانە ئاشناكرا.
كونسوڵ لە لێدوانێكیدا سەرسورمانی خۆی دەربارەی ئەو پارچە شوێنەوارانەی لەناو مۆزەخانەی سلێمانی هەیە دەربری و بە نیشانەی دەوڵەمەندی كوردستانی زانی و مێژووی گەورەی كورد دەردەخات ".
لەبەردەوامی لێدوانەكەیدا دۆمانیك دەَڵێت لەماوەی ساڵێك لە كاربەدەست بونم لە هەرێمی كوردستان ئەوە یەكەمجارە سەردانی شاری سلێمانی بكەم و خۆشحاڵم كە ساڵانە وڵاتەكەم 5 بۆ 7 تیم لە بەشی شوێنەواری دەنێرێتە كوردستان هاوكاری مۆزەخانەكان دەكات لە پێناو دۆزینەوەی پارچەی نوێی شوێنەوار".
كونسوڵی نوێی فەرەنسا باس لەوەدەكات ئێمە لە گەلی فەرەنسا بەردەوام لە رابردوو و ئیستاشدا هاوكارێكی باشی كورد وكوردستان بوین چونكە بە دۆستێكی نزیكی خۆمانیان دەزانین بۆیە هاوكارییەكانمان بۆ كوردستان بەردەوام دەبێت وە خوشحاڵی خۆی بە سەركەوتنی مۆزەخانەی سلێمانی دەربریِی.